🥗 බඩගින්න පාලනය කිරීමට ක්‍රම 10ක්

ශරීරයේ බර පාලනය කරගැනීම සහ සමස්ත සෞඛ්‍යය සඳහා බඩගින්න නිවැරදි ලෙස පාලනය කර ගැනීම ඉතාමත් වැදගත්. මේ සඳහා භාවිතා කරන්න පුළුවන් ක්‍රම 10ක් අපි අද ඔබට කියනවා.

• ප්‍රෝටීන් වැඩිපුර ආහාරයට ගැනීම (Eat Protein-Rich Foods): කාබෝහයිඩ්‍රේට් සහ මේද වලට වඩා ප්‍රෝටීන් ජීර්ණය වීමට වැඩි කාලයක් ගත වන නිසා එය ඔබගේ බඩ පිරිලා තියෙන එක වැඩි කරනවා.
• තන්තු ආහාර වලට ප්‍රමුඛතාවය දෙන්න (Prioritize Fiber Intake): තන්තු සහිත ආහාර වැඩිපුර ආහාරයට ගැනීමෙන් බඩගින්න දැනෙන එක අඩු කරනවා.
• ප්‍රමාණවත් ලෙස ජලය පානය කිරීම (Stay Hydrated): ආහාර වේලකට කලින් වතුර වීදුරුවක් පානය කරලා ඔයාගේ ආමාශය ටිකක් පුරවගන්න ගන්න, ඒකෙන් ඔබ ලබා ගන්නා ආහාර ප්‍රමාණය අඩු වේවි.
• සෞඛ්‍ය සම්පන්න මේද ආහාරයට එක් කර ගැනීම (Consume Healthy Fats): සෞඛ්‍ය සම්පන්න මේද ආහාර දිරවීම ප්‍රමාද කරන නිසා ඔබට වැඩි කාලයක් තුළ බඩ පිරිලා තියෙන බව දැනේවි.
• සිහිකල්පනාවෙන් ආහාර ගැනීම පුරුදු කරන්න (Practice Mindful Eating): සෙමින් සහ සිහිකල්පනාවෙන් ආහාර ගැනීම කුසගින්න සහ මොළය මගින් ලබා දෙන පුර්ණත්වයේ සංඥාවන් හඳුනා ගැනීමට උපකාරී වන නිසා එය වැඩිපුර ආහාර ගන්න එක වළක් වනවා.
• ප්‍රමාණවත් නින්දක් ලබා ගැනීම (Get Enough Sleep): ප්‍රමාණවත් නින්දක් ආහාර රුචිය පාලනය කරන හෝමෝන නියාමනය කිරීමට උපකාරී වෙනවා. එමගින් ඔබට බඩ ගින්න දැනෙන එක අඩු කරයි.
• අතුරුපස ලෙස පලතුරු ආහාරයට ගන්න (Eat More Fruits): මේ පලතුරු විදියට නෙල්ලි, අඹ, හීන්නාරං, අනෝදා, වරකා, නමිනං, දෙළුම්, ලොවි වැනි දේශීය පලතුරු ආහාරයට ගන්නව නම් ගොඩක් හොදයි.
• පොඩි බඩගින්නට කෑම ගැනීම අඩු කරන්න (Don’t eat in between main diet times): පොඩි බඩගින්නට ඔයා විවිධ දේවල් කෑවම ඔයාට ඔයාගේ ප්‍රධාන ආහාර වේල හරියට ගන්න බැරුව යනවා.
• ක්‍රියාශීලීව සිටින්න (Stay Active): නිතිපතා ශාරීරික ක්‍රියාකාරකම් වල යෙදීම ආහාර රුචිය ඇති කරන හෝමෝන නියාමනය කිරීමට උපකාරී වන නිසා එමගින් බඩගින්න දැනෙන එක අඩු කරනවා.
• සැකසූ ආහාර සහ සීනි සහිත කෙටි ආහාර සීමා කරන්න (Limit Processed Foods): සැකසූ ආහාර වල බොහෝ විට ඉහළ සීනි මට්ටම් අඩංගු වන අතර එමඟින් රුධිරයේ සීනි මට්ටම වේගයෙන් ඉහළ යාමට සහ පහත වැටීමට හේතු වන නිසා එමඟින් බඩගින්න වැඩි කරනවා.