අර්ශස් සහ මලබද්ධය: නීරෝගීකමේ කැඩපත සහ නිවැරදි ආහාර රටාව 🩺

🌱 මලබද්ධය හැදෙන්නේ නැති වෙන්න අපි මොකද කරන්න ඕනේ?

විශේෂයෙන් කොහිල යනු අර්ශස් සඳහා ආයුර්වේදයේ ඇති ඖෂධීය ආහාරයකි. 🫜🧅🍆🥬🌽🍍🌶️🥥

• බණ්ඩක්කා: මෙහි ඇති ලිස්සන සුළු ස්වභාවය (Mucilage) නිසා මලපහ බඩවැල් දිගේ පහසුවෙන් ගමන් කිරීමට උපකාරී වේ.
• වට්ටක්කා සහ වැටකොළු: ජලය සහ කෙඳි බහුල ආහාර වන අතර බඩවැල්වල චලනයන් උත්තේජනය කරයි.
• දඹල සහ අල වර්ග: ඉනල, කිරි අල, සහ බතල වැනි දේශීය අල වර්ගවල ස්වාභාවික කෙඳි ඉහළ මට්ටමක පවතී.
• තිබොටු සහ තම්පලා: ජීරණ පද්ධතියේ ක්‍රියාකාරිත්වය වේගවත් කරන දේශීය එළවළු සහ පලා වර්ග වේ.
• ගොටුකොළ සහ මුකුණුවැන්න: දිනපතා මැල්ලුමක් ලෙස ආහාරයට ගැනීමෙන් මලබද්ධය දුරු කරගත හැක.

• ඇඹුල් කෙසෙල් සහ රත් කෙසෙල්: උදෑසන හිස්බඩ ඇඹුල් කෙසෙල් ගෙඩියක් කෑමෙන් මලපහ බුරුල් වේ (නමුත් පැසුණු නැති කෙසෙල් මලබද්ධය වැඩි කළ හැක).
• පැපොල්: 'Papain' නමැති එන්සයිමය අඩංගු බැවින් ආහාර ජීරණය ඉතා පහසු කරයි.
• දිවුල් සහ බෙලි: බඩවැල් ශෝධනය කරන, අර්ශස් සහ මලබද්ධයට ආයුර්වේදයේ ප්‍රකටව භාවිතා වන පළතුරු දෙකකි.
• ගස්ලබු සහ අලිගැටපේර: සිරුරට අවශ්‍ය හොඳ තෙල් සහ කෙඳි ලබා දෙමින් මලපහ මෘදු කරයි.
• ඇඹරැල්ලා සහ වෙරළු: පලතුරක් ලෙස හෝ වංජන ලෙස ආහාරයට ගැනීමෙන් බඩවැල් සුද්ධ වේ.

• කොතලහිඹුටු සහ වෙනිවැල්ගැට තැම්බූ වතුර: ශරීරයේ අභ්‍යන්තර දැවිල්ල අඩු කර ජීරණය සුමට කරයි.
• බෙලිමල් සහ රණවරා තේ: උදෑසන පානය කිරීමෙන් බඩවැල් උත්තේජනය වී මලපහ කිරීම පහසු වේ.
• ගොටුකොළ / මුකුණුවැන්න කැඳ: උදෑසන හිස්බඩ කැඳ වීදුරුවක් පානය කිරීමෙන් ආමාශයට සහ බඩවැල්වලට සිසිලසක් මෙන්ම අවශ්‍ය කෙඳි ප්‍රමාණයද ලැබේ.
• කැරට් සහ බීට්රූට් ජූස්: බඩවැල්වල චලනයන් වේගවත් කිරීමට උපකාරී වේ.
• ඉඟුරු රෝස්ට් කළ තේ: ජීරණ අග්නිය (ජඨරාග්නිය) උත්තේජනය කර බඩ පිපුම සහ මලබද්ධය නැති කරයි.

• ජල පානය (🫗🥛): උදෑසන අවදි වූ ගමන් හිස්බඩ මඳ රස්නෙ වතුර වීදුරුවක් බීම මගින් කුඩාඅන්ත්‍ර වල් චලනය (Peristalsis) උත්තේජනය වේ.
• වැසිකිළි පුරුදු (Toilet Posture): වැසිකිළි යන විට ජංගම දුරකථන භාවිතය නිසා වැඩිවේලාව එකතැන වාඩිවී සිටීමෙන් ගුද මාර්ගයට පීඩනය වැඩිවේ. එමෙන්ම 'Squatting posture' (පාද තරමක් ඉහළට සිටින සේ ස්ටූල් එකක් තබා ගැනීම) මගින් මලපහ පිටවීම පහසු කරයි.