Body Heat එක Pregnancy එකට බලපාන්නෙ කොහොමද? 🤰🔥

☘️ 1. සෘතුව (Ritu)

සෘතුවක් කියලා කියන්නේ යම්කිසි නිශ්චිත කාලයක් නේ. එතකොට අපේ ශරීරය ඇතුලේ දරුවෙක් පිළිසිඳ ගන්න ඒකට නියමිත කාලය පැමිණෙන්න ඕන. ඒ කියන්නේ ඉතාමත් අඩු වයස් කාලයකදී වගේම නිසි වයස පසු උනයින් පස්සෙත් මේ විදිහට දරුවෙක් පිළිසිඳ ගැනීමේ හැකියාව අඩුවෙලා යනවා.

ඒ වගේම මේ හරි සෘතුව බලනකොට වයස බලනවා වගේම ඒකට ගැළපෙන බාහිර සාධක ගැන පවා අපි සැලකිලිමත් වෙන්න ඕන. විශේෂයෙන් අපිටවත් ඉන්න සුදුසු නැති පරිසරයක නම් අපි ඉන්නේ, ඒ වගේ පරිසරයකදී දරුවෙක් සෞඛ්‍යමත් විදිහට පිළිසිඳ ගනියි කියන එක ගැන හිතන්න අමාරුයි. ඒ විදිහට පිළිසිද ගත්තා වුණත් යම් යම් අතුරු ආබාධ එන්න තියන හැකියාවත් වැඩියි.

☘️ 2. ක්ෂේත්‍ර (Kshetra)

මොකක්ද මේ ක්ෂේත්‍රය කියලා කියන්නේ? දරුවෙක් පිළිසිඳ ගන්නවා කියන්නේ හරියට පුංචි බීජයක් පැලවෙනවා වගේ එකක් නම්, මේ පැලවෙන්න අවශ්‍ය පොළොව තමයි ක්ෂේත්‍රය කියලා හඳුන්වන්නේ.

අපි මෙතනදි ක්ෂේත්‍රය කියලා හඳුන්වන්නේ ගර්භාෂය සහ පිළිසිඳ ගැනීමට අදාළ වන ගර්භාෂ බිත්ති සහ ඒ අදාල කොටස් ටික. මේ පුංචි පැලය මුල් ඇදලා ස්ථාවර වෙන්නේ මේ ගර්භාෂ බිත්තියේනේ. එතකොට ඒ ගර්භාෂ බිත්තිය ගැටලු සහගතයි නම්, ඒ කියන්නේ පමණට වඩා හයිය වැඩියි නම් සහ පමණට වඩා මෙලෙක් බවින් යුතුයි නම් මේ ආකාර දෙකේදිම දරුවෙක්ට පිළිසිඳ ගන්න අමාරුයි.

☘️ 3. අම්බු (Ambu)

අම්බු කියලා අපි හඳුන්වන්නේ සංස්කෘත භාෂාවෙන් ජලය කියලා කියන එක. බීජයක් පැළ වෙන්න ජලය අවශ්‍යයි නේ. මුල් ඇදගෙන එන පුංචි පැලේට අවශ්‍ය පෝෂණය ලබා දෙන්නේ ජලය සහ පෝෂකවලින්. අන්න ඒකම තමා මෙතනදිත් අදහස් කරන්නේ.

පිළිසිඳ ගන්න පුංචි කලලය හරියට පෝෂණය වෙන්න අම්මා හොඳ පෝෂණිය ආහාර ගන්න ඕන. ඒ විතරක් මදි, මේ ගන්න ආහාර රුධිර සැපයුමත් එක්ක ගර්භාෂ බිත්තියක් එක්ක සම්බන්ධ වෙලා දරුවට ලැබෙන්නත් ඕන.

(මෙන්න මේක නිසා ආයුර්වේද වෛද්‍ය විද්‍යාව ඇතුලේ ගර්භණී කාලයේ මාස දොළහටම අදාළ වත් පිළිවෙත් වගේම කෑම බීම ආහාර රටාව පවා බොහොම ලස්සනට විස්තර කරලා තියෙනවා.)

☘️ 4. බීජ (Bija)

අපි මේ කතා කරේ පුංචි පැලයක් වගේ දෙයක් ගැන නම්, පැලේ හැදෙන්න නීරෝගී බීජයක් අවශ්‍යම වෙනවනේ. අන්න ඒ වගේම නිරෝගී දරුවෙක් බිහිවෙන්න නම් මෙතනදි මේ බීජ කියලා හඳුන්වන්නේ අම්මගෙන් ලැබෙන නීරෝගී ඩිම්බ සහ තාත්තගෙන් ලැබෙන නිරෝගී ශුක්‍රාණු වල එකතුවයි.